De Jempi wor nees liddereg -

Haut ginn et Streech!, denkt hie bei sech.

Fir déi Attack stécht hien zwee déck

Haart Bicher hannen an de Réck,

Well hien der Meenung ass, verstitt der,

D’Streech géngen op dem Bockel nidder.

‘t kënnt wierklech och zur Kläpperei

Mat dem Här Läährer … mä o mei,

Dat Donnerwieder geet haut lass

Méi ënnen, wou kee Réck méi ass,

Wou hie blouss an der Box dra stécht,

An d’Rutt da méi Plëséier mécht …

Ah, dass de Mënsch sech dacks trompéiert

   An ni genau weess, wat passéiert!